XABIER DÍAZ  & ADUFERIAS DE SALITRE son un dos maiores representantes da renovación da música de raíz galega contemporánea, cunha traxectoria de máis de dez anos que os sitúa coma un dos proxectos máis solidos do panorama actual. O seu compromiso céntrase en revindicar e manter viva a dignidade e a forza do legado das cantareiras e da poesía oral das nosas aldeas. Contan cunha proposta que vai máis aló dun simple concerto para transformarse nun auténtico ritual en vivo que combina a intimidade do canto coa explosión colectiva, logrando unha conexión única que fai que o público de todas as idades se sinta parte dunha mesma tribo.