David Pasquet representa un dos proxectos máis innovadores e consolidados da música de raíz bretona contemporánea. Comezou a tocar a bombarda con dez anos e, ao longo da súa traxectoria, formou parte de grandes proxectos coma Ar Re Yaouank, Tyafa ou a Celtic Procession. No 2023 lanza 3, a súa última proposta electro en solitario revindicando e actualizando o seu legado sonoro.

Actuou nalgúns dos festivais máis importantes de Francia e realizou xiras internacionais por Europa e Estados Unidos entre outros países.

O seu directo combina forza escénica cunha enerxía incombustible, combinando tradición bretona, innovación sonora e unha forte conexión ca música de folk contemporánea.