BAIUCA é un proxecto pioneiro que fusiona música tradicional galega con electrónica de vangarda, convertido nun referente dentro e fóra de España en poucos anos. Liderado por Alejandro Guillán, destaca polo seu potente directo con músicos de primeiro nivel e unha forte proxección internacional. Cunha intensa traxectoria de xiras e colaboracións, consolidouse como un dos fenómenos máis relevantes da música galega actual.

DAVID PASQUET é un dos grandes referentes da música tradicional bretoa e da escena folk internacional. Comezou a tocar a bombarda aos 10 anos e, ao longo da súa traxectoria, formou parte de proxectos históricos como Ar Re Yaouank, Tayfa ou a Celtic Procession, colaborando con artistas de prestixio internacional.

Fundador do David Pasquet Group e do David Pasquet Trio, actuou en algúns dos festivais máis importantes de Francia e realizou xiras internacionais por Europa, Estados Unidos e outros países. A súa proposta combina tradición bretoa, innovación sonora e unha forte conexión coa música folk contemporánea.

XABIER DÍAZ  & ADUFERIAS DE SALITRE representan un dos proxectos máis sólidos e respectados da música de raíz galega contemporánea, cunha traxectoria de máis dunha década reivindicando e actualizando o legado das cantareiras e da tradición oral. Cunha proposta que vai máis alá do concerto para converterse nun auténtico ritual colectivo, o seu directo combina emoción, potencia escénica e unha conexión única co público.