O MAGO TETO chega co seu espectáculo “O Camiño do Afiador”, unha función contada a través dos Camiños de Santiago polos que os afiadores saían de Galicia para afiar e espallar a cultura galega polo mundo. Xira arredor dos afiadores dos anos trinta, amosando como percorrían as rutas coas máis sorprendentes historias. Aventuras doutros tempos que chegan a escena coa axuda do ilusionismo, empregándose para os efectos da maxia elementos propios do oficio coma coitelos, tesoiras, navallas ou paraugas.