XABIER DÍAZ  & ADUFERIAS DE SALITRE representan un dos proxectos máis sólidos e respectados da música de raíz galega contemporánea, cunha traxectoria de máis dunha década reivindicando e actualizando o legado das cantareiras e da tradición oral. Cunha proposta que vai máis alá do concerto para converterse nun auténtico ritual colectivo, o seu directo combina emoción, potencia escénica e unha conexión única co público.