A Festa da Carballeira celebrarase chova, neve ou quente o sol.

Non se pode pasar vidro ó recinto da Carballeira, nin bebidas nin comida de ningún tipo agás auga e comida dos nenos pequenos ou persoas con intolerancias ou necesidades especiais.

Hai tres zonas de acampada gratuíta, debidamente sinalizadas e provistas de WC e duchas. Unha das zonas destínase para tendas de campaña e a outras dúas son específicas para caravanas e campers. Pódese acampar dende día anterior, sen necesidade de inscribirse nin reservar

Non se pode aparcar dentro do recinto da acampada. As zonas de acampada son zonas de descanso e recollemento, non de festa.

Hai máis zonas de acampada e aparcadoiros privados alleos á organización.

Os horarios dos buses de liña regular pódense consultar en https://www.bus.gal/

As persoas menores de 14 anos e os maroires de 60 anos non pagan entrada. Pero si teñen que pasar por taquilla para ensinar o DNI e que lle poñan a pulseira.

Todas as persoas menores de idade deben ir acompañadas por unha persoa adulta responsable e levar unha autorización firmada polos titores legais. Esta autorización pódese descargar da web ou solicitarse no despacho de entradas. Máis info http://www.festadacarballeira.com/menores-de-idade/

As entradas poden escanearse dende o móbil. Non fai falta imprimilas.

A entrada só se pode conseguir anticipada de forma online e ten un custo de 18€ no caso do bono para os dous días e 10€ para un día.

A venda física de entradas do venrescomeza ás 19h e teñen un custo de 25€ no caso do bono para os dous días e de 15€ para un só día. Os concertos comezan ás 22:30h.

A venda física de entradas para os concertos do sábado comenza ás 12h do sábado. E teñen un custe de 15€. A sesión vermú comezan ás 13:00 na que xa hai concertos e continua pola tarde coa gran foliada ás 18:00 que dá paso aos concertos da noite ás 22:00

Coa entrada porase unha pulseira conmemorativa que é persoal e intransferible e será indispensable para poder entrar e saír do recinto.

A pulseira conmemorativa funciona coma tarxeta prepago. Pódese cargar con cartos (nos postos habilitados) para gastar en consumicións de comida e bebida dentro do recinto da festa. Este será o único medio de pago na festa (excepto feira de artesanía). Os cartos sobrantes serán devoltos por medio de transferencia bancaria aos usuarios.

SI se aceptan pagos con tarxeta, móbil e tamén en efectivo. Para mercar entradas e cargar a pulseira.

A partir das 12h do sábado comezará o mercado de artesanía é haberá inchables gratis con animación e obradoiros para os nenos.

A partir das 13h do sábado haberá sesión vermú e unha mexilloada de balde

Non se pode vender nin poñer ningún posto de venda dentro do recinto da Carballeira agás os acordados coa organización na feira de artesanía.

No recinto da Carballeira hai á venda comida e bebida variada a prezo da rúa. E pratos veganos e tamén opcións para celiacos.

Vaise vender un vaso ecolóxico con deseño exclusivo por 1€ que podes reutilizar e levar de recordo ou podes devolvelo e dámosche 1€

Podedes mercar un xerro da carballeira por 6€ co que tedes dereito á famosa Gran Queimada da Festa da Carballeira e enchelo as veces que queirades.

Tamén haberá camisetas, suadoiros e outros produtos a venda deseño exclusivo da Festa da Carballeira.

Resérvase o dereito de admisión, por motivos de seguridade.

Pódese acceder con animais de compañia á zona de acampada e ao recinto do festival, sempre cumprindo a lexislación vixente.

No recinto da Carballeira cóntase con Protección Civil e persoal sanitario para calquera emerxencia.

Recordade que se celebra nun recinto natural e temos que respetar a nosa contorna o máximo posible.

Aquí podedes ver como chegar, así como as distintas localizacións dos diferentes servizos https://i.gal/MapaFestaDaCarballeira