///A CARBALLEIRA DE ZAS COIDA O MEDIO AMBIENTE

A CARBALLEIRA DE ZAS COIDA O MEDIO AMBIENTE

  • Un ano máis, a importancia do medio ambiente é primordial
  • O vaso ecolóxico minimizará o impacto e os residuos
  • En anteriores edicións o uso deste vaso evitou 100 quilos de lixo

Como en anteriores edicións, a organización do Festival da Carballeira de Zas contará na número 35 coa repartición e uso do vaso ecolóxico. Trátase dun vaso reutilizable que se comezou a usar neste festival no ano 2016. Desde entón empregouse nos seguintes anos, constatando os beneficios ambientais que supón.

O ano pasado o emprego destes vasos contribuíu a unha diminución na xeración de lixo duns 100 quilos menos. O deseño do vaso é de Luís Davila, o famoso humorista gráfico coñecido como O Bichero. O vaso custará 1€ e poderá ser de aluguer ou de venda. Desta maneira, todos os que queiran poderán levarlo como recordo desta edición. Se non, devolveráselles a fianza.

A dirección do festival pretende desta maneira protexer a contorna tan especial na que se sitúa, unha carballeira de 14.500 m2: transmitindo o privilexio que supón poder realizar este evento nun entorno de características únicas e concienciando da importancia do coidado e protección do mesmo con accións concretas.

As entradas para o festival están xa dispoñibles na páxina www.festadacarballeira.com e a través de Ticketea, cun prezo de 12€. Tamén se poderán obter directamente en despacho de billetes, cun custo de 15€ o bono de dous días.

By |2018-07-09T13:03:11+00:00Xullo 9th, 2018|Novas|Comentarios desactivados en A CARBALLEIRA DE ZAS COIDA O MEDIO AMBIENTE